Икона Божьей Матери «Всецарица»: надежда для больных раком

Икона Богоматери «Всецарица». Перед ней собираются вместе на молитву те, кого опалило зловещее пламя особой болезни. Той болезни, перед которой бессилен порой и хирургический нож, и химиотерапия.

Ольга Шульчева-Джарман

31 августа Православная Церковь чтит память иконы Божией Матери «Всецарица», через которую многим страдающим от онкологических болезней была явлена чудесная помощь и исцеление.

Чудотворный образ Богородицы «Всецарица» (греч. «Пантанасса») хранится в Ватопедском монастыре Афона, слева от царских врат в соборном храме.

По Преданию, икона была написана в XVII веке и стала благословением известного на Святой Горе старца Иосифа Исихаста своим ученикам.

На образе изображена Богородица в багряном одеянии, восседающая на царском троне. На Ее руках Богомладенец со свитком в левой руке и с благословляющей десницей. Правой рукой Богородица указывает на Сына как на Спасителя всех людей. На заднем плане – два ангела, которые с благоговением осеняют крылами Пречистую Деву.

В Москве образу Пресвятой Богородицы «Всецарица» можно поклониться в Алексеевском монастыре (храм Всех Святых), в Новоспасском монастыре и в храме святой мученицы Татьяны при МГУ.

С этим образом связано множество чудесных случаев. В России он известен как икона, перед которой молятся онкобольные. Первые исцеления стали происходить в Детском онкологическом центре на Каширке. Чудесный образ, через который многим страдающим явлена чудесная помощь, сейчас находится в храме Всех Святых в Красном Селе (ныне Алексеевский монастырь). Но образ «Всецарицы» регулярно привозят обратно в Онкологический центр для служения молебнов.

Икона Божьей Матери «Всецарица»

Икона Богоматери “Всецарица”, перед которой собираются вместе на молитву те, кого опалило зловещее пламя особой болезни. Той болезни, перед которой бессилен порой и хирургический нож, и химиотерапия. На их лицах – особый след, который приносит с собой лечение. Это и особенная бледность, которую ни с чем не спутаешь, и редкие ломкие волосы, и взгляд, усталый и устремленный за те горизонты, за которые обычные люди заглядывать боятся.

Икона Богородицы «Всецарица»

Больные раком и близкие больных раком приходят к Богородице, чей образ носит имя «Всецарица», или, по-гречески, «Пантанасса».

Всецарица! Так обращается к ней гимнограф в первом каноне «Богородичника»

«Ужасошася страхом, Всецарице, ангельская чиноначалия, хваляще Тя: поет же благости ради всяк ум, яко Матерь Зиждителя: похвалы бо всякия превозшла еси чин, Христа рождши»

Богородица, олицетворяющая Церковь, восседает на престоле – символе вселенной, мира, населенной земли, ойкумены. Четыре конца света, четыре, четыре главные созвездия – так, «четвероконечным», воспринимали мир древние. Отзвук этого сохранился в удивительном Каноне Честному Кресту, входящему в ежедневное монашеское правило.

«Четвероконечный сый мир, и яко триобоюдный меч, начала тмы сечеши, нами воображаемь, Кресте, оружие великое Христово, и непобедимое победительство всесильное».

«Кресте всечестный, четвероконечная сила, апостолов благолепие и мучеников крепость, немощных здравие показался еси, мертвых воскресение, падающих воздвижение». (Канон Честному Кресту)

Крест Ее Сына. Он здесь, Отрок, чертами лица повторяет Материнские. Он – Сын Мариин.

«И светлым облаком являет высота, 
Кого под сердцем Ты, Пречистая, таила
И Чьи черты Тебя напомнили с креста».

(Владимир Микушевич)

В сиянии золотого хитона видна длань Его – из плоти и крови. Сын стал Человеком, приобщаясь человеческой плоти и крови – чтобы «удобее восприять страдание». Он причастился нашей природы – в смерть Свою, для того, чтобы мы причащались Его Тела и Крови – в жизнь истинную.

Да! Отпускай на свободу измученных,
Отрок, чье имя прекраснее всех.
в горы взойди неприступными кручами,
в старости Сарре дарующий смех.

Крылья голубки распахнуты в стороны –
лето Господне, и колос, и песнь!
Да! Сквозь пустыню, дорогой неторною –
слышатся зовы, и голос, и весть. 

Дождь – на руно, и завет Его – радугой,
петь Его, слышать и видеть весь день!
Да! Он ведет, Он берет тебя за руку –
пальцы влагая в следы от гвоздей.

Сам Он – чудесней видений и знамений,
в старости Сарре дарующий смех,
явленный Боже и Боже являемый,
Отрок, чье Имя прекраснее всех.

Совершилось желание Его и исполнилось. Крест претерпел Он и смерть «упразднил» – опустошил, выпустил из ее ненасытного чрева всех томящихся, дал им вкусить Хлеба Жизни.

«Ибо Ты – Хлеб Жизни, Источник освящения, Податель благ, и Тебе славу воссылаем со Отцом и Святым Духом, ныне, и всегда, и во веки веков. Аминь» (Благодарственная молитва св. Василия Великого после Святого Причащения).

И уже нет ни неба, ни земли – ангелы символизируют преодоление этой преграды, касаясь крылами и неба и земли за Престолом Сына на руках Материнских.

Церковь хранит «лекарство бессмертия» (сщмч. Игнатий Богоносец) – врачующую Плоть Христа и Кровь от пречистого ребра Его, Отрока, пострадавшего за исцеление всех, Отрока, чьи раны, как источники, родники воды сладкой, источили измученным исцеление.

И тайна Церкви в имени Богородицы – Всецарицы: Христос царствует!

«Всем царствуяй созданием, быв человек, вселися в Твою, Богоблагодатная, утробу, и распятие претерпев и смерть, воскресе боголепно, совозставив нас яко всесилен»(Канон Пасхи).

Христос царствует! – так восклицали христиане Древней Церкви, приговоренные к смерти на аренах римских цирков от мечей гладиаторов и зубов зверей.

Христос царствует! – и Церковь Его свидетельствует об этом.

Свет Воскресения бьет в низкие, надземные окошки наших ветхих домишек, бьет, прорываясь снопами лучей чуда и надежды там, где нет сил уже надеяться на чудо.

«Егоже родила еси Христа, прекрасно из мертвых возсиявша, Чистая зрящи, добрая и непорочная в женах и красная, днесь во спасение всех, со апостолы радующися, Того прославляй» (Канон Пасхи).

Свет Воскресшего Христа, раздающего Себя всем – «просто и без упреков» (Иак.1:5) в Таинстве Тела и Крови – это свет Церкви, царствующей в мире.

Ни мрамору, ни граниту
не хоронить мертвецов –
Ударил Он смерть в ланиту,
Увидел Он смерть в лицо.

Не будет землей покрыто
Святое Твое тавро,
Ударивший смерть в ланиту,
Пронзенный смертью в ребро.

Теперь никакой разлуке
Навек не сомкнуть кольцо –
Дал осязать Свои руки
Увидевший смерть в лицо.

Молитвы Пресвятой Богородице перед иконой “Всецарица”

Молитва первая перед иконой Божьей Матери Всецарица

О пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощнаго Врача Христа Спаса нашего. Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворною помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков. Аминь.

Молитва вторая перед иконой Божьей Матери Всецарица

Всеблагая, досточудная Богородице, Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси! Ты за мя умоли. Да прославляю преславное имя Твое всегда, ныне и в бесконечныя веки. Аминь.

Тропарь, Глас 4 перед иконой Божьей Матери Всецарица

Образом радостотворным честныя Всецарицы, желанием теплым взыскающих благодати Твоея, спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно.

Акафист Пресвятой Богородице перед Ее иконой, именуемой “Всецарица”

Кондак 1
Новоявленней Твоей иконе предстояще вернии умильно, воспеваем Ти, Всецарице, раби Твои; ниспосли цельбы к Тебе притекающим ныне рабом Твоим, да вси радостно зовем Ти: Радуйся, Всецарице, недуги наша благодатию исцеляющая.

Икос 1
Ангел предстатель с небесе сшед, рече Всецарице: радуйся! И боговещанным гласом воплощаема Тя зря, Господи, возопи к Ней таковая: Радуйся, Главизно нашего спасения; радуйся. Исполнение Зиждителева смотрения. Радуйся, яко Тобою Бог воплотися; радуйся, яко Невидимый в Тебе изобразися. Радуйся, Милость мира внутрь приявшая; радуйся, одеяние плоти Слову соткавшая. Радуйся, уму непостижная Горняя Славо; радуйся, сердца оживившая Небесная Манно. Радуйся, Звездо, благодати сияние; радуйся, Источниче, живыя воды излияние. Радуйся, Богородице, в женах благословенная; радуйся, рождшая Спаса, Дево нетленная. Радуйся, Всецарице, недуги наша благодатию исцеляющая.

Кондак 2
Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2
Разум недоразумеваемый разумети Дева ищущи, возопи к служащему: яко Отроковица чистая, како буду Вышняго Мати, изъясни; к Ней-же Гавриил рече со страхом, зовый таковая: Радуйся, Совета Вышняго Избраннице; радуйся, гласа молящихся Скоропослушнице. Радуйся, Сокровище Христова мира; радуйся, людей Твоих Надеждо и Сило. Радуйся, раковые язвы дивная Губительнице; радуйся, прочих болезней Исцелительнице. Радуйся, единое миру Заступление; радуйся, верное в скорбех Избавление. Радуйся, плач и слезы присно утоляющая; радуйся, спасения входы всем отверзающая. Радуйся, Скиптре и Державо Афон населяющих; радуйся, Жезле монахов и мирян. Радуйся, Всецарице, недуги наша благодатию исцеляющая.

Кондак 3
Сила Вышняго осенивши Тя, Отроковице, плоть прият неизреченно, показа Тя Село сладкое, хотящим жати спасение и поющим: Аллилуиа.

Икос 3
Прославися дивно святая икона Твоя, Всецарица именуемая, егда цельбоносно явися Богоматере изображение; вопиющим же пред нею с верою исцеления подаеши, да умножаются песни сицевыя: Радуйся, Мати незаходимаго Света; радуйся, претерпевших до конца Победо. Радуйся, в болезнех и скорбех сущим Врачевание; радуйся, сирот и вдовиц нерушимая Стено. Радуйся, двери райские отверзающая; радуйся, труждающихся и обремененных заступающая. Радуйся, о спасении верных Ходатаице; радуйся, за род человеческий Молитвеннице. Радуйся, Лествице небесная, возводящая от земли к небеси; радуйся, Водо живая, омывающая смертныя грехи. Радуйся, Агнице, сердца незлобивых хранящая; радуйся, Покрове, чад Церкве осеняющий. Радуйся, Всецарице, недуги наша благодатию исцеляющая.

Кондак 4
Живот мирови даруя, Владыка мира вселися во утробу Твою неискусомужно; Матерь верных Тя показав, в мире тех воспевати призва: Аллилуиа.

Икос 4
Преславная содеяшася о Тебе, Граде Божий, исцелением бывающим от святыя иконы Твоея; цельбоносные струи врачеваний приемлюще, благодарственно, о Всецарице, вопием: Радуйся, Снадобие, боль утоляющее; радуйся, Прохладо, жар недужных остужающая. Радуйся, прижигающая раковыя язвы, аки пламенем; радуйся, подымающая со одра оставленных врачми. Радуйся, лик Свой пречистый избранным являющая; радуйся, от греховных уз разрешающая. Радуйся, яко Тобою избавление от смерти даровася; радуйся, яко Тобою безсчетный сонм верных оправдася. Радуйся, Высото, человеческими помыслы неизследованная; радуйся, Глубино, единым Словом изведанная. Радуйся, Пророчествие прежде Тебе бывших патриархов; радуйся, Наставнице Тебе молившихся иерархов. Радуйся, Всецарице, недуги наша благодатию исцеляющая.

Кондак 5
Пречистый Храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему: Аллилуиа.

Икос 5
Видеша чини ангельстии на руку Твоею Создавшаго рукою человеки, и яко Владычицу разумевающе Тя едину, аще и Рабою Себе нарекла еси, потщашася песньми послужити Ти, Благословенней, сицевыми: Радуйся, Богом поставленная превыше Небесных Сил; радуйся, чудесными исцеленьми исполняющая мир. Радуйся, хвалу и славу от небес слышащая; радуйся, благодарение от земли приемлющая. Радуйся, яко семя тли в сердцах потребила еси; радуйся, яко козней диавольских ярем сокрушила еси. Радуйся, юдоль плачевную исполнившая радостию; радуйся, скорби изменяющая в небесную сладость. Радуйся, Благоухание Богу приятное; радуйся, кающихся грешников Веселие изрядное. Радуйся, Броне правды от искушений; радуйся, Щите ограждения от вражды и нестроений. Радуйся, Всецарице, недуги наша благодатию исцеляющая.

Кондак 6
Проповедницы богоглаголивии, Спасовы ученицы, предсташа Ти, Дево, чудно, внегда от земли к небеси восходила еси, да единым сердцем и усты воспоют Богови: Аллилуиа.

Икос 6

Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть;
паче чаяния же от уз мрачных свобожденный, со страхом и радостию взываше Ти сице: Радуйся, Исправление нечестиваго жития; радуйся, Утешение страждущих люте. Радуйся, бесовских полчищ от Церкве Отгнание; радуйся, мглы греховной Разсеяние. Радуйся, козней невидимых Упразднение; радуйся, демонских чар всемощное Одоление. Радуйся, Светильниче, прельщенных наставляяй; радуйся, Облаче, невинных от зла покрываяй. Радуйся, Холме, небесною манною питающий; радуйся, Долино, смирением Христовым насыщающая. Радуйся, Каменю Небеснаго Царствия; радуйся, Зерцало превечнаго Света. Радуйся, Всецарице, недуги наша благодатию исцеляющая.

Кондак 7
Хотящу дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя, Бога совершеннаго; тем же дивящеся неизреченней премудрости сей зовем: Аллилуиа.

Икос 7
Новое показа таинство явлься Зиждитель, со ученики свершивый Тайную Свою Вечерю; мы же моляще Всецарицу удостоити нас Божественныя Святыни, восписуем Ей сицевая: Радуйся, Подательнице Небеснаго Хлеба; радуйся, Родительнице Вечного Живота. Радуйся, Чаше, Христу приобщающая; радуйся, душу и тело с Богом сочетающая. Радуйся, Лжице златая, исполнь Божественных Тайн; радуйся, драгий Кивоте, вместилище великия Святыни. Радуйся, Персте, на святую Евхаристию указуяй; радуйся, Трапезо, предлагающая нам Пищу Святую. Радуйся, достойных причастников одесную поставляющая; радуйся, ревнителей Божественныя Литургии от ада избавляющая. Радуйся, приводящая смертных к Источнику безсмертия; радуйся, ограждающая чад Своих миром и крепостию. Радуйся, Всецарице, недуги наша благодатию исцеляющая.

Кондак 8
Странное Рождество видевше, житейское всякое отложше попечение, горе имеим сердца; на сие бо Вышний явися во еже привлещи Тому вопиющия: Аллилуиа.

Икос 8
Неотступно в недрех Отеческих пребывая, Слово неописанное на земли плоть бысть; Бог Велий сотвори величие Деве и призре на смирение Рабы Своея, слышащия сицевая: Радуйся, Невместимаго Бога вместившая; радуйся, надмирнаго Творца миру явившая. Радуйся, яко сокрушися смерти держава; радуйся, яко исцелися Адамова рана. Радуйся, Пластырю, струпы душевныя заживляяй; радуйся, Елее, язвы телесныя умащаяй. Радуйся, Утоление болезней рождающих; радуйся, Облегчение мук умирающих. Радуйся, нанесшая поражение аду; радуйся, притупившая смерти жало. Радуйся, Чаяние всеобщаго воскресения; радуйся, православных несумненное Спасение. Радуйся, Всецарице, недуги наша благодатию исцеляющая.

Кондак 9
Всякое естество ангельское и человеческое удивися величию непостижимаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9
Многоразличными недуги одержимии, о Всецарице, от святыя иконы Твоея паче чаяния исцеления получают, да приимше верою благодать, велегласно взывают Ти: Радуйся, здравых чад присное Сохранение; радуйся, болящих ко здравию Преложение. Радуйся, детей недугующих Исцеление; радуйся, юных страдальцев Мати. Радуйся, Возстание на одр болезни поверженных; радуйся, Отрадо страхом смертным одержимых. Радуйся, яко внемлеши человеков рыданиям; радуйся, призревающи на наша стенания. Радуйся, болей земных небесною радостию Растворение; радуйся, люте обуреваемых пачеестественное Терпение. Радуйся, яко уготовляеши плачущим радость; радуйся, яко снабдеваеши кротких крилома молитвы. Радуйся, Всецарице, недуги наша благодатию исцеляющая.

Кондак 10
Спасти хотя Зиждитель истлевшее грехом человеческое естество, сниде на Тя, яко дождь на руно, и купину Тя соделав неопалимую, Бог сый бысть человек, да воспеваем Ему: Аллилуиа.

Икос 10
Стена еси девам, Отроковице чистая, и всем о чистоте радящим; в Тя бо вселися Бог, очищаяй разумные создания Своя, да избывше всякия скверны, предлагаем Ти сицевая: Радуйся, молчания взыскующих Собеседнице; радуйся, Венче хранящих девство. Радуйся, Начало и Конец духовного совершения; радуйся, Хранилище Божественнаго откровения. Радуйся, Троическаго Совета Таиннице; радуйся, спасения человеков Виновнице. Радуйся, Вершино, гордым умам неприступная; радуйся, Убежище, смиренным сердцам доступное. Радуйся, Чистая, небесе чистейшая; радуйся, Херувимов и Серафимов Честнейшая. Радуйся, Обрадованная, яко прияла еси от Архангела радование; радуйся, Утешенная, яко руце Твои осязате воскресшаго Христа. Радуйся, Всецарице, недуги наша благодатию исцеляющая.

Кондак 11
Пение тщащеся разумное Спасу приносити, всегда неключими, Владычице, остаемся раби Твои; кто бо может достойно воспети Бога, Егоже имя яко миро излиянное; сего ради вопием Ему: Аллилуиа.

Икос 11
Свет велий возсияв во тьме седящим, посети нас, о Дево, Восток свыше, Сын и Бог Твой; Тя соделав свещею на свещнице, светоносным чадом церковным наказует приносити Ти сицевая: Радуйся, Заре умнаго Солнца; радуйся, Вместилище Божественного Огня. Радуйся, Свете, яко одеяние святых соткала еси; радуйся, Свеще, яко тьму бесовскую отгнала еси. Радуйся, косных умов Просвещение; радуйся, грешных сердец Озарение. Радуйся, Деснице, из моря суетствий изводящая; радуйся, Луче, путеводяй к Царствию спасающихся. Радуйся, Молние, нераскаянных поражающая; радуйся, Громе, губителей устрашающий. Радуйся, лукавыя совести Просветление; радуйся, Умилостивление Божия Суда. Радуйся, Всецарице, недуги наша благодатию исцеляющая.

Кондак 12
Благодать дати восхотев, Завета Ветхаго Податель Завет Новый нам дарова; мы же благодать приимше, не делы закона, но единою верою спасение улучивше, восписуем вси: Аллилуиа.

Икос 12
Поюще Твое рождество, якоже древле Израиль в кимвалех сеновную скинию воспеваше, тако мы ныне Тя, Скинию истинну, добродетельми прославляем, да слышиши всех сицевая: Радуйся, Песне воспеваемая горе; радуйся, Псалме, слышимый низу. Радуйся, Единому Богу достойно послужившая; радуйся, Божественней Троице смирением угодившая. Радуйся, веки Носящаго носившая в Себе; радуйся, Престоле Содержащаго вселенную в руце. Радуйся, Тайно неизреченная веков и времен; радуйся, Упование твердое народов и племен. Радуйся, сердечное Радование иереев благоговейных; радуйся, быстрое Слышание молитв церковных и келейных. Радуйся, Премудрости Доме богозданный; радуйся, Милости Сосуде, Богом избранный. Радуйся, Всецарице, недуги наша благодатию исцеляющая.

Кондак 13
О Всецарице Мати, рождшая всех святых Святейшее Слово, нынешнее наше приявши песнопение, от всякой смертныя болезни исцели ны и будущаго избави осуждения вопиющих: Аллилуиа.

(Этот кондак читается трижды, затем икос 1 и кондак 1)

Вы прочитали статью Икона Божией Матери «Всецарица»: молитвы, чудеса!Читайте также:

• Значение болезней
• Болезнь как лекарство, болезнь как школа

Акафист перед иконой Божией Матери “Всецарица”

https://www.pravmir.ru/ikona-bogorodicy-vsecarica-nadezhda-dlya-bolnyx-rakom/?utm_referrer=https%3A%2F%2Fzen.yandex.com